Cynlluniau a chymorth arall i ofalwyr di-dâl

Seibiant o Ofalu 

Unrhyw seibiant sy'n cryfhau a/neu'n cynnal perthnasoedd gofalu anffurfiol ac yn gwella lles gofalwyr a'r bobl y maent yn eu cefnogi. Gellir cyflawni hyn drwy wasanaeth, gweithgaredd neu eitem. 

Nod y Cynllun Seibiannau Byr i ofalwyr di-dâl, sydd wedi’i ariannu gan Lywodraeth Cymru, yw galluogi 30,000 o ofalwyr i gymryd seibiant o ofalu erbyn 2025.  

Mae ystod o opsiynau seibiant i fodloni cymunedau amrywiol Cymru wedi eu hariannu drwy'r rhaglen hon. Nod y rhain yw gwella gwydnwch a lles gofalwyr a chefnogi cynaliadwyedd perthynas ofalu’r gofalwr.  

I wneud cais am seibiant byr, dylai gofalwyr di-dâl gysylltu â'u darparwr lleol yn uniongyrchol: 

Cynllun Seibiannau Byr Ymddiriedolaeth Gofalwyr Cymru 

Mae seibiannau byr hefyd ar gael drwy Bartneriaeth Rhanbarthol Caerdydd a'r Fro sydd wedi sicrhau arian drwy'r cynllun i ddarparu cyfleoedd i ofalwyr di-dâl yng Nghaerdydd a Bro Morgannwg yn benodol: 

Gwyliau Byr Gofalwyr Cymru   

Profiad Cleifion: Bwrdd Iechyd Prifysgol Caerdydd a'r Fro

Gwasanaeth Gwybodaeth i Ofalwyr Di-dâl

Iechyd Meddwl

Llais y Gofalwyr  

Mae Llais Cymru yma i sicrhau bod eich barn a'ch profiadau yn cael eu defnyddio gan y rhai sy'n gwneud penderfyniadau i gynllunio a darparu gwasanaethau iechyd a gofal cymdeithasol gwell.  A phan fydd pethau'n mynd o'i le, gall eu heiriolwyr cwynion annibynnol a hyfforddedig eich cefnogi i wneud cwynion:

Llais Cymru

Porth Eiriolaeth Caerdydd a'r Fro

Porth Eiriolaeth Caerdydd a'r Fro (PECF) yw'r prif bwynt mynediad i unigolion sydd yn chwilio am gymorth eiriolaeth yn ardal Caerdydd a'r Fro. Bwriad PECF yw cysylltu ag unigolion a gweithwyr proffesiynol gydag eiriolwr cymwysedig sydd yn amddiffyn hawliau ac yn mynegi barn, dymuniadau a theimladau.

Porth Eiriolaeth Caerdydd a'r Fro

Isod ceir manylion sefydliadau cenedlaethol i ofalwyr, sy'n rhoi cyngor, gwybodaeth a chymorth i ofalwyr di-dâl yng Nghymru:

Yn rhoi cyngor a gwybodaeth i ofalwyr a'r gweithwyr proffesiynol sy'n cefnogi gofalwyr:

Gofalwyr Cymru

Yn darparu llais cenedlaethol i rymuso rhieni a gofalwyr pobl ag anableddau dysgu:

Fforwm Cymru Gyfan  

Wedi ymrwymo i wella cymorth a gwasanaethau i ofalwyr di-dâl: 

Ymddiriedolaeth Gofalwyr Cymru

Mae Dewis Cymru’n wefan sydd â’r nod o helpu pobl i gael gafael ar wasanaethau cymorth lleol a chenedlaethol yng Nghymru a dod o hyd i'r wybodaeth a'r cyngor sydd eu hangen arnynt i wella eu lles:

Dewis Cymru

Cerdyn Argyfwng i Ofalwyr

Mae’r Cerdyn Argyfwng i Ofalwyr yn helpu i drefnu bod rhywun yn cael gofal os bydd rhywbeth annisgwyl yn digwydd i'w ofalwr.

Un o'r pryderon mwyaf i ofalwyr yw sut y byddai'r aelod o'r teulu neu ffrind sy'n dibynnu arnynt yn ymdopi pe bai unrhyw beth yn digwydd i’w gofalwr. 

Mewn ymateb i hyn, mae Gofalwyr Cymru wedi llunio cerdyn newydd ar gyfer gofalwyr. Petai argyfwng neu ddamwain, mae cario’r cerdyn hwn yn sicrhau y rhoddir gwybod i gweithwyr brys ac eraill bod rhywun yn dibynnu arnoch chi fel gofalwr.

Mae lle i nodi manylion cyswllt mewn argyfwng ar y cerdyn, er enghraifft teulu neu ffrindiau sy’n gallu helpu: 

• 02920 811370
• info@carerswales.org
• Gofalwyr Cymru Cerdyn Argyfwng i Ofalwyr