Digwyddiadau a hyfforddiant i ofalwyr ledleg Bro Morgannwg

Wythnos Gofalwyr 2026 (8 – 14 Mehefin)

Os ydych yn gofalu, yn ddi-dâl, am ffrind neu aelod o'r teulu, sy'n berson ag anabledd, sydd â salwch corfforol neu feddyliol neu berson ag anhwylder defnyddio sylweddau, rydych yn ofalwr di-dâl.

Mae Wythnos Gofalwyr 2026, a gynhelir rhwng 8 a 14 Mehefin, yn ymgyrch flynyddol ledled y DU i gynyddu ymwybyddiaeth o ofalu, tynnu sylw at yr heriau y mae gofalwyr di-dâl yn eu hwynebu a chydnabod y cyfraniad maen nhw’n ei wneud i deuluoedd a chymunedau. Mae hefyd yn helpu pobl nad ydynt yn ystyried eu hunain yn bobl sydd â chyfrifoldebau gofalu i uniaethu fel gofalwyr a chael gafael ar gymorth y mae mawr ei angen.

Thema Wythnos Gofalwyr 2026 yw Adeiladu Cymunedau sy'n Ystyriol o Ofalwyr. Bydd hyn yn tynnu sylw at yr effaith y gall cymunedau sy'n ystyriol o ofalwyr ei chael wrth wneud gwahaniaeth gwirioneddol a pharhaol i fywydau gofalwyr ym mhobman.

Dathliad a Ffair Wybodaeth Wythnos Gofalwyr: 11 Mehefin 2026

Rydym yn falch o rannu y bydd digwyddiad Wythnos Gofalwyr yn cael ei gynnal ar:

Ddydd Iau 11 Mehefin 2026, 11:00yb – 1:30yp yn Canolfan Hamdden Penarth, Heol Andrew, Penarth, CF64 2NS

Ioga cadeiriau: 11:30yb – 12:00yb

Gweithgaredd crefftau haf ar gyfer eich gardd, balconi neu flwch ffenestr: 11:30yb–12:15yp

Te prynhawn am ddim: 12yp – 13:30yp

Mae’r digwyddiad hwn yn cael ei gynnal mewn partneriaeth gan Gyngor Caerdydd, Cyngor Bro Morgannwg a TuVida.

Os oes gennych unrhyw gwestiynau, cysylltwch â: valecarershub@tuvida.org 02921 921024; neu carediff@cardiff.gov.uk Edrychwn ymlaen at eich croesawu.

Mae Dewis Cymru yn gyfeirlyfr adnoddau cenedlaethol fel y gall pobl gael mynediad at wybodaeth gywir a chyfredol bob tro.

Chwilio Dewis Cymru