Gofalu amdanoch chi eich hun

Brechu rhag COVID-19

Mae newidiadau wedi’u gwneud yn ddiweddar i'r rhaglen frechu rhag COVID-19 sy'n effeithio ar ofalwyr di-dâl. Oherwydd bod y risgiau sy'n gysylltiedig â'r clefyd bellach yn llai, ac effeithlonrwydd y brechlyn o ran atal trosglwyddiad yn gyfyngedig, mae'r Cyd-bwyllgor ar Imiwneiddio a Brechu (JCVI) wedi cynghori yn erbyn parhau i frechu'r garfan hon o bobl.

Felly, ni fydd gofalwyr di-dâl bellach yn gymwys i gael brechiad rhag COVID-19 o dan y rhaglen genedlaethol oni bai eu bod yn dod o dan un o'r categorïau sy'n wynebu risg (er enghraifft, eu bod yn oedrannus).

Bydd gofalwyr di-dâl, fodd bynnag, yn parhau i fod yn gymwys i gael brechiad blynyddol yn erbyn y ffliw tymhorol. Mae'r rhaglen frechu rhag y ffliw yn digwydd bob hydref.

Bydd manylion am y rhaglen frechu yn y byrddau iechyd unigol ar gael ar y dudalen we hon ar yr adeg briodol.

Gofalu am eich Lles

Mae'n bwysig eich bod yn gofalu am eich iechyd eich hun i'ch galluogi i barhau i weithio'n effeithiol yn eich rôl ofalu, os mai dyma beth rydych yn dewis ei wneud.

Daeth Deddf Gwasanaethau Cymdeithasol a Llesiant (Cymru) 2014 i rym ar 6 Ebrill 2016. Mae'r gyfraith hon yn bodoli i wella lles pobl yng Nghymru ac mae'n cynnwys gofalwyr sydd angen cymorth.

Edrych ar ôl eich lles (valeofglamorgan.gov.uk)

Mae ein Gwasanaeth Materion Lles yn un pwynt mynediad ar gyfer Gwasanaethau Iechyd a Lles i oedolion ym Mro Morgannwg a gall eich cysylltu ag ystod o wasanaethau a chymorth ar draws yr awdurdod lleol mewn perthynas ag Iechyd a Lles

Gwasanaeth Materion Lles (valeofglamorgan.gov.uk)

Llinell Gyngor Teuluoedd yn Gyntaf

Mae gan Llinell Gyngor Teuluoedd yn Gyntaf gynghorwyr sy'n gallu cynnig gwybodaeth, cyngor a chymorth i rieni sy'n ofalwyr ac i ofalwyr ifanc, a’u cyfeirio at ffynonellau cymorth neu eu cynorthwyo i gael mynediad at wasanaethau.

Llinell Gyngor Teuluoedd yn Gyntaf (valeofglamorgan.gov.uk)

Hawliau i Gymorth

Deddf Gwasanaethau Cymdeithasol a Llesiant (Cymru) a ddaeth i rym ar 6 Ebrill 2016.Deddf Gwasanaethau Cymdeithasol a Llesiant (Cymru) (valeofglamorgan.gov.uk)

Mae'r gyfraith hon yn bodoli i wella lles pobl yng Nghymru ac mae'n cynnwys gofalwyr sydd angen cymorth.

Yr hawl i lles
Yr hawl i wybodaeth, cyngor a chymorth
Yr hawl i asesiad os na ellir diwallu eich anghenion drwy wybodaeth a chyngor
Yr hawl i gael eich llais wedi’i glywed a chael rheolaeth dros benderfyniadau am eich cymorth
Yr hawl i eiriolaeth

Partneriaeth Rhanbarthol Caerdydd a’r Fro

BPRhCaF – Y cymorth cywir, ar yr adeg gywir yn y lle cywir - mae'n gydweithrediad rhwng sefydliadau statudol, trydydd sector ac annibynnol yng Nghaerdydd a Bro Morgannwg sy'n cydweithio i wella iechyd a lles y boblogaeth.

Mae'r Bartneriaeth wedi ymrwymo i gyfres o addewidion sy'n gosod y flaenoriaeth ar gyfer camau y byddant yn eu cymryd gyda'i gilydd i gynllunio a chefnogi gofalwyr di-dâl ledled Caerdydd a Bro Morgannwg.

Esbonnir yr addewidion hyn o fewn Siarter Gofalwyr Di-dâl Caerdydd a'r Fro.

Siarter Gofalwyr Di-dâl - BPRhCaF