Fforwm Cyllideb Ysgolion 

Mae'n ofynnol i bob Cyngor fod â Fforwm Cyllideb Ysgolion yn unol ag Adran 47A Deddf Safonau a Fframwaith Ysgolion 1998 fel y nodwyd gan Ddeddf Addysg 2002 a Rheoliadau Fforymau Cyllideb Ysgolion (Cymru).

 Mae'n ofynnol i gynghorau ymgynghori â’u fforymau ysgolion yn flynyddol ar:

• Ddiwygiadau i'w Gynllun Ariannu Ysgolion

• Effaith debygol unrhyw newidiadau i'r fformiwla ariannu

• Contractau ar gyfer cyflenwadau a gwasanaethau sy'n uwch na'r trothwy rhagnodedig ar gyfer caffael

• Cytundebau Lefel Gwasanaeth ar gyfer cyflenwi nwyddau a gwasanaethau gan y Cyngor i ysgolion

• Newidiadau arfaethedig i'r ffactorau a'r meini prawf sy'n cael eu hystyried neu'r dulliau, yr egwyddorion a'r rheolau sydd i'w mabwysiadu mewn perthynas â'r fformiwla ar gyfer ariannu ysgolion.

Bydd y Cyngor hefyd yn ymgynghori â'r fforwm ar oblygiadau ariannol 

meysydd eraill o gyllideb ddirprwyedig Addysg ac Ysgolion megis:

• Trefniadau ar gyfer addysgu disgyblion ag Anghenion Dysgu Ychwanegol

   

• Dyrannu a defnyddio grantiau penodol

Mae gan y fforwm rôl allweddol o ran datblygu dealltwriaeth a hyrwyddo deialog effeithiol rhwng y Cyngor ac ysgolion.

Mae’r Cyngor, gan weithio mewn partneriaeth â'r Fforwm Cyllideb Ysgolion, yn gwerthfawrogi ei gyfraniad i'r broses o wneud penderfyniadau.

Os hoffech godi unrhyw beth sydd o fewn cylch gwaith y Fforwm Cyllideb Ysgolion, cysylltwch â'ch cynrychiolydd perthnasol.