Gwybodaeth i ofalwyr di-dâl

Hyb Gofalwyr Di-dâl y Fro

Ydych chi'n gofalu am rywun annwyl a ddim yn gwybod ble i droi am wybodaeth, cyngor neu gymorth?

Mae Hyb Gofalwyr Di-dâl y Fro yn siop un stop i ofalwyr di-dâl sy'n cefnogi rhywun sy’n byw ym Mro Morgannwg a'i nod yw gwella ansawdd bywyd gofalwyr di-dâl.

Maent yn darparu gwybodaeth a chymorth i helpu gofalwyr di-dâl yn eu rôl, i wneud y mwyaf o’u bywydau law yn llaw â gofalu a chynnal eu hannibyniaeth.

Mae ganddynt linell gymorth dros y ffôn a gellir cysylltu â nhw hefyd drwy'r rhyngrwyd.

I wneud atgyfeiriad i Hyb Gofalwyr Di-dâl y Fro (gall hyn fod yn hunanatgyfeiriad neu drwy'r gwasanaethau cymdeithasol) cliciwch yma i lenwi'r ffurflen neu ffoniwch 02921 921024.

Gellir gweld staff y ganolfan hefyd mewn gwahanol leoliadau ledled y Fro, yn darparu gwasanaeth galw heibio. Gellir dod o hyd i fanylion lleoliadau ac amseroedd ar eu gwefan neu ar Facebook Neu ffoniwch nhw am fwy o wybodaeth.

• valecarershub@tuvida.org

• Hyb Gofalwyr Di-dâl y Fro

Cwmpawd Teulu Y Fro

Mae gan Cwmpawd Teulu Y Fro gynghorwyr sy'n gallu cynnig gwybodaeth, cyngor a chymorth i rieni sy'n ofalwyr ac i ofalwyr ifanc, a’u cyfeirio at ffynonellau cymorth neu eu cynorthwyo i gael mynediad at wasanaethau:

Mae Dewis Cymru’n wefan sydd â’r nod o helpu pobl i gael gafael ar wasanaethau cymorth lleol a chenedlaethol yng Nghymru a dod o hyd i'r wybodaeth a'r cyngor sydd eu hangen arnynt i wella eu lles.

Mae’n cynnig gwybodaeth i’ch helpu i feddwl am yr hyn sy’n bwysig i chi, yn ogystal â gwybodaeth am wasanaethau a phobl yn eich ardal a all fod o gymorth i chi gyda’r pethau sy’n bwysig i chi.

Chwiliwch Dewis Cymru i ddod o hyd i wasanaethau i helpu gofalwyr ym Mro Morgannwg:

Chwilio Dewis Cymru 

Gallwch gysylltu â gwasanaethau a chymorth y Cyngor yn annibynnol, os yw'n well gennych:

Mae rhai ysgolion yn cynnig Clybiau Lles ar ôl ysgol a byddant i gyd yn cydnabod ac yn cefnogi unrhyw ddisgybl sydd â rôl fel gofalwr ifanc: 

Clybiau lles ar ôl ysgol 

Mae'r argyfwng costau byw wedi cael effaith ychwanegol ar lawer o ofalwyr di-dâl:

Cymorth Costau Byw

Mae'r gwasanaeth Teuluoedd yn Gyntaf yn y Fro yn cynnig cefnogaeth i bobl ifanc sydd wedi cael profiadau niweidiol yn ystod plentyndod sy'n effeithio'n sylweddol ar eu hiechyd a'u lles:

Gwasanaeth Lles Ieuenctid 

Mae'r Cyngor wedi casglu gwybodaeth am nifer o adnoddau i'ch helpu i wella eich lles yn ystod yr argyfwng presennol:

Iechyd a lles

Mae Gwasanaeth Llyfrgelloedd a Gwybodaeth y Fro yn cynnig amrywiaeth o wasanaethau a llyfrau a allai eich helpu i reoli eich lles:

Iechyd y Lles llyfrgell 

Y Tîm Cysylltiadau Dysgu yw'r prif bwynt cyswllt a gwasanaeth cyswllt i blant, eu teuluoedd, ysgolion ac asiantaethau o fewn yr awdurdod lleol a thu allan i'r awdurdod lleol.  Rydym yn cefnogi ysgolion i ddiwallu anghenion y dysgwyr hyn. 

Ein prif nod yw eirioli dros bob dysgwr sydd â heriau ychwanegol, gyda phob agwedd ar eu haddysg, olrhain eu cyflawniadau, a’u cynorthwyo i oresgyn unrhyw rwystrau i’w llwyddiant, gan sicrhau eu bod yn gwireddu eu potensial llawn.

Y Tîm Cysylltiadau Dysgu  

Mae ein Tîm Byw'n Iach wedi gweithio gydag amrywiaeth o bartneriaid i greu nifer o deithiau cerdded i'ch cadw chi a'ch teulu yn iach, yn actif ac yn cael hwyl:

Teithiau Cerdded Llesol 

Cofrestrwch i dderbyn gwybodaeth

P'un a ydych chi’n:

• ofalwyr di-dâl sy’n byw ym Mro Morgannwg,
• neu’n weithiwr proffesiynol sy'n cefnogi gofalwyr di-dâl,

gallwch dderbyn gwybodaeth (e-fwletinau a chylchlythyr) a fydd o ddiddordeb i chi megis hyfforddiant, digwyddiadau neu ymgyngoriadau trwy lenwi'r ffurflen ar-lein isod:

Tanysgrifio i dderbyn gwybodaeth 

Bwletin Gofalwyr Di-dal 

8/10/25

17/10/25

29/10/25

5/11/25

12/11/25

25/11/25

10/12/25