Gwasanaethau Cymorth Arbenigol

Mae nifer fach o ddisgyblion angen cymorth arbenigol sy'n gofyn am arbenigedd a/neu adnoddau nad ydynt ar gael yn lleoliad y dysgwr. Os felly, gall y lleoliad atgyfeirio i’r adran ADY o fewn yr Awdurdod Lleol i ystyried a fyddai'r plentyn yn cael y gefnogaeth orau trwy wasanaeth cymorth arbenigol neu wasanaeth Allgymorth.

Pe bai'r atgyfeiriad hwn yn cael ei dderbyn, yn dilyn penderfyniad y panel, byddai’r lleoliad yn cael gwybod ac yn cydweithredu â rhanddeiliaid.

Ni fydd unrhyw atgyfeiriad yn cael ei wneud heb ganiatâd rhiant/ gwarcheidwad y plentyn.

Mae nifer o wasanaethau cymorth arbenigol ym Mro Morgannwg:

· Allgymorth Gwybyddiaeth a Dysgu

· Allgymorth Anawsterau Dysgu Penodol

· Allgymorth Anghenion Lleferydd, Iaith a Chyfathrebu

· Allgymorth Anghenion Corfforol a Meddygol

· Allgymorth Nam ar y Golwg

· Allgymorth Cymorth Clyw

· Gwasanaeth Ymgysylltu

Allgymorth Gwybyddiaeth a Dysgu

Pwrpas Allgymorth yw cefnogi'r dysgwr sydd ag anghenion gwybyddiaeth a dysgu parhaus a nodwyd mewn Cynllun Datblygu Unigol (CDU).

Gall y dysgwr arddangos proffil cymhleth, sy'n cynnwys anghenion ychwanegol mewn un neu fwy o'r meysydd canlynol;

· Cyfathrebu a Rhyngweithio

· Ymddygiad, Datblygiad Emosiynol a Chymdeithasol

· Anghenion Synhwyraidd a/neu Gorfforol

Allgymorth Anawsterau Dysgu Penodol

Pwrpas allgymorth ADP yw cefnogi'r dysgwr sydd ag angen neu anhawster dysgu penodol gydag un neu fwy o rannau penodol o ddysgu.

Mae'r gwasanaeth Allgymorth yn ymdrechu i ddiwallu anghenion penodol y dysgwyr drwy waith uniongyrchol.

Allgymorth Anghenion Lleferydd, Iaith a Chyfathrebu

Pwrpas allgymorth yw cefnogi dysgwyr sydd ag Anghenion Lleferydd, Iaith a Chyfathrebu sylweddol gan gynnwys Anhwylder Iaith Datblygiadol a/neu Anhwylder Lleferydd Penodol.

Gall dysgwyr arddangos proffil cymhleth, sy'n cynnwys anawsterau / anghenion ychwanegol mewn un neu fwy o'r meysydd canlynol: synhwyraidd, cyfathrebu, meddygol.

Yn ogystal, efallai y bydd rhai dysgwyr wedi dod yn agored i niwed neu wedi'u hynysu mewn lleoliad prif ffrwd a/neu gall profiadau dysgu a chymdeithasol fod wedi effeithio’n andwyol ar gynnydd a datblygiad.

Allgymorth Anghenion Corfforol a Meddygol

Pwrpas allgymorth yw cefnogi lleoliadau addysgol a rhieni'n effeithiol i reoli anghenion dysgwyr sydd wedi cael eu diagnosio â diagnosis neu anhawster corfforol neu feddygol.

Gall y dysgwr arddangos proffil cymhleth, sy'n cynnwys anghenion ychwanegol mewn un neu fwy o'r meysydd canlynol;

· Cyfathrebu a Rhyngweithio

· Ymddygiad, Datblygiad Emosiynol a Chymdeithasol

· Gwybyddiaeth a Dysgu.

Allgymorth Nam ar y Golwg

Pwrpas Allgymorth yw cefnogi lleoliadau addysgol a rhieni'n effeithiol i reoli anghenion dysgwyr sydd wedi cael eu diagnosio â nam ar y golwg. Sicrhau bod dysgu effeithiol yn digwydd.

Mae'r gwasanaeth Allgymorth yn ymdrechu i ddiwallu anghenion synhwyraidd, cyfathrebu, cymdeithasol ac emosiynol y disgyblion fel rhan o nam ar y golwg, ac i gefnogi plant nad eu prif ADY yw eu nam ar y golwg o reidrwydd.

Allgymorth Cymorth Clyw

Pwrpas allgymorth yw cefnogi lleoliadau addysgol a rhieni yn effeithiol i reoli anghenion dysgwyr sydd wedi cael diagnosis o golli clyw. Sicrhau bod dysgu effeithiol yn digwydd.

Mae'r gwasanaeth Allgymorth yn ymdrechu i ddiwallu anghenion synhwyraidd, cyfathrebu, cymdeithasol ac emosiynol y dysgwyr.

Gwasanaeth Ymgysylltu

Diben y gwasanaeth hwn yw cefnogi ysgolion i ddatblygu eu darpariaeth i ddiwallu anghenion dysgwyr cymhleth ac agored i niwed. Mae'n wasanaeth sy'n cael ei lywio gan drawma ac iechyd meddwl sy'n cael ei lywio gan DDP.

Mae'r tîm yn deall heriau a chryfderau gwahaniaeth niwroddatblygiadol ac yn dathlu amrywiaeth.