Ffurflenni Cais

Defnyddiwch y ffurflen hon os hoffech chi bleidleisio drwy'r post. (Ni fydd yn rhaid i chi fynd i orsaf bleidleisio ar y diwrnod pleidleisio.)

I bleidleisio drwy'r post, bydd angen i chi lenwi ffurflen Pleidlais Bost.

Byddwn yn anfon eich papurau pleidleisio i'r cyfeiriad cartref neu i’r cyfeiriad anfon ymlaen rydych wedi'i ddarparu. Dylech dderbyn eich papurau o fewn 10 diwrnod o’r diwrnod pleidleisio.

Bydd angen i chi gwblhau a dychwelyd y rhain er mwyn i'ch pleidlais gael ei chyfri. Rhaid i chi roi eich llofnod a'ch dyddiad geni gan y bydd y wybodaeth hon yn cael ei defnyddio i wirio'ch papurau pleidleisio.

Pleidlais bost heb ei llofnodi

Mae'r ffurflen Pleidlais Bost heb ei Llofnodi yn caniatáu ichi bleidleisio heb orfod darparu llofnod.

Rhaid cael rheswm dilys, megis anallu a allai olygu bod eich llofnod yn anghyson.

Os ydych yn gwneud cais am bleidlais bost heb ei llofnodi, dim ond wrth gwblhau eich cais post a'ch papur pleidlais drwy’r post y bydd yn rhaid i chi roi eich dyddiad geni.

Byddwn yn anfon eich papurau pleidleisio i'r cyfeiriad cartref neu i’r cyfeiriad anfon ymlaen rydych wedi'i ddarparu. Dylech dderbyn eich papurau o fewn 10 diwrnod o’r diwrnod pleidleisio.

Bydd angen i chi gwblhau a dychwelyd y rhain er mwyn i'ch pleidlais gael ei chyfri. Rhaid i chi ddarparu eich dyddiad geni gan fod y wybodaeth hon yn cael ei defnyddio i wirio eich papurau pleidleisio.

I ofyn am ffurflen gais drwy ddirprwy, cysylltwch â'r Gwasanaethau Etholiadol. Bydd angen i chi ddarparu rheswm dros y cais er mwyn i ni allu anfon y ffurflen gywir atoch.

Rhaid i'r person rydych chi'n ei enwebu fod ar y Gofrestr Etholiadol neu ni allant fod yn ddirprwy i chi.

Byddwch yn derbyn llythyr yn cadarnhau bod yr unigolyn yr ydych wedi'i enwebu i bleidleisio ar eich rhan (drwy ddirprwy) wedi cael ei gymeradwyo.

Bydd eich dirprwy yn derbyn cerdyn pleidleisio. Rhaid i'ch dirprwy ymweld â'r orsaf bleidleisio yn bersonol ar y diwrnod pleidleisio i bleidleisio ar eich rhan.

I ofyn am ffurflen Pleidlais drwy Ddirprwy heb ei Llofnodi, cysylltwch â'r Gwasanaethau Etholiadol. Bydd angen i chi roi eich dyddiad geni a gall eich person enwebedig eich helpu (gyda'ch caniatâd chi) i lenwi'r manylion ar y ffurflen.

Rhaid i'r person rydych chi'n ei enwebu fod ar y Gofrestr Etholiadol neu ni allant fod yn ddirprwy i chi.

Byddwch yn derbyn llythyr yn cadarnhau bod yr unigolyn yr ydych wedi'i enwebu i bleidleisio ar eich rhan (drwy ddirprwy) wedi cael ei gymeradwyo.

Bydd eich dirprwy yn derbyn cerdyn pleidleisio. Rhaid i'ch dirprwy ymweld â'r orsaf bleidleisio yn bersonol ar y diwrnod pleidleisio i bleidleisio ar eich rhan.

Ceir dwy fersiwn o'r Gofrestr Etholiadol, y fersiwn lawn a'r Gofrestr Agored.

Caiff eich enw a’ch cyfeiriad eu cynnwys ar y Gofrestr Agored oni bai eich bod yn gofyn iddynt gael eu tynnu. Gelwir hyn yn optio allan.

Gallwch optio allan ar-lein neu gallwch lenwi ffurflen bapur i'w phostio yn ôl atom.

Byddwch yn derbyn llythyr yn cadarnhau bod eich cofnod ar y Gofrestr Etholiadol wedi ei ddiwygio ac yna ni fyddwch wedi’ch cynnwys ar y Gofrestr Agored. 

Ffurflen Optio Allan Ar-lein

Lawrlwytho ffurflen Optio Allan bapur

Os yw eich enw wedi newid bydd angen i chi lenwi Ffurflen Newid Enw Pleidleisiwr.

Bydd angen i chi ddarparu tystiolaeth eich bod wedi newid eich enw. Nid oes angen darparu copi gwreiddiol o’r dystiolaeth. Gallwch anfon copi o dystysgrif priodas atom, tystysgrif geni ddiwygiedig neu dystysgrif gweithred newid enw.

Bydd y manylion ar eich ffurflen yn cael eu gwirio yn erbyn y manylion ar eich tystiolaeth. Os ydynt yn cyfateb, yna bydd eich enw yn cael ei newid ar y gofrestr a bydd llythyr diwygiad yn cael ei anfon.