Dosbarthiadau a Digwyddiadau

Archwilio’ch coeden deulu, dysgu defnyddio cyfrifiadur neu ddyfais dabled a llawer mwy

Rydyn ni’n cynnig amrywiaeth o ddosbarthiadau a gweithdai drwy rwydwaith llyfrgelloedd Bro Morgannwg. Dyma gyfle i ddysgu mewn cynefin anffurfiol gyda thiwtoriaid cymwys, cyfeillgar.

Dysgu yn y Cartref

Ydych chi’n methu dod i’r llyfrgell? Dysgwch sgiliau digidol gartref gan ddefnyddio hyfforddiant Atomic Training

Oes angen help arnoch chi i ddefnyddio dyfais dabled, ffôn symudol, cyfrifiadur, Mac, meddalwedd, blogiau, Twitter ac ati?

Mae adnodd hyfforddiant fideo Atomic Training yn cynnig mynediad digyfyngiad i filoedd o glipiau fideo sy’n cynnwys dros 500 o amrywiadau meddalwedd cyfredol.

Sesiwn Ddigidol Anffurfiol

Dewch â’ch dyfais eich hun neu defnyddiwch un o’n rhai ni a gallwn ni ateb ymholiadau a datrys problemau am fynd ar-lein. Does dim angen cadw eich lle – galwch heibio unrhyw bryd.

Llyfrgell y Barri: Dydd Llun, 10.00am - 12.00pm
Llyfrgell Dinas Powys: Dydd Llun, 10.00am - 1.00pm
Llyfrgell Llanilltud Fawr: Dydd Llun, 10.00am - 12.00pm
Llyfrgell Gwenfô: Dydd Mercher, 10.00am - 12.00pm
Llyfrgell Penarth: Dydd Iau, 10.00am - 1.00pm
Llyfrgell y Bont-faen: Dydd Gwener, 2.00pm - 5.00pm
Llyfrgell y Rhws: Dydd Gwener, 10.00am - 1.00pm

Cymorth Cyfrifiadurol

Gallwch chi drefnu apwyntiad unigol gydag aelod o staff, a fydd yn eich tywys drwy’r broses o ddefnyddio cyfrifiadur am y tro cyntaf.Pan fyddwch chi wedi magu hyder, gallan nhw eich helpu chi i agor cyfrif e-bost i chi gysylltu â theulu a ffrindiau, a’ch cyflwyno i chwilio ar-lein.

I drefnu apwyntiad, cysylltwch â’ch llyfrgell leol.