Cronfa Her Sgiliau

Mae'r Gronfa Her Sgiliau yn cael ei hariannu drwy'r Gronfa Twf Leol (CTL) a'i nod yw cefnogi busnesau i ddod yn fwy cynhyrchiol, cystadleuol ac arloesol, yn ogystal â chynyddu sgiliau a chefnogi pobl i gael gwaith.  

Bydd y Gronfa Her Sgiliau yn darparu cymorth grant hyblyg ar gyfer prosiectau a arweinir gan gyflogwyr sy'n mynd i'r afael â phrinder sgiliau acíwt a heriau'r gweithlu mewn sectorau blaenoriaeth. Mae'r gronfa yn annog dulliau arloesol o ddatblygu'r gweithlu, creu llwybrau i gyflogaeth, cefnogi dilyniant sgiliau a helpu busnesau i gael mynediad at y talentau a'r hyfforddiant angenrheidiol i dyfu ac arloesi. 

Y cynnig:

Bydd y Gronfa Her Sgiliau yn cynnig grantiau hyd at £5,000 (uchafswm 80% o gostau'r prosiect). Rhaid i ymgeiswyr gyfrannu 20%. Rhaid cwblhau'r holl weithgareddau a ariennir a chyflwyno tystiolaeth berthnasol cyn 31 Mawrth 2027. 

Pwy sy'n gymwys: 

Mae'r Gronfa Her Sgiliau yn agored i geisiadau gan fentrau sydd: 

• Yn gweithredu ym Mro Morgannwg

• Â chyfeiriad busnes cofrestredig ym Mro Morgannwg

• Yn fusnesau sefydledig, gydag o leiaf 12 mis o fasnachu

• Yn cyflogi o leiaf 2 aelod o staff cyfwerth ag amser llawn

Mae'r Gronfa Her Sgiliau yn croesawu cynigion cydweithredol o sawl busnes. Rhaid i holl bartneriaid cais cydweithredol fod wedi'u lleoli yn y Fro. 

Beth all ei ariannu:  

Bydd y grant yn ariannu prosiectau sy’n cael eu harwain gan gyflogwyr (refeniw) sy'n mynd i'r afael â phrinder sgiliau acíwt a heriau'r gweithlu. Mae'r gronfa yn annog dulliau arloesol o ddatblygu'r gweithlu, creu llwybrau i gyflogaeth, cefnogi dilyniant sgiliau a helpu busnesau i gael mynediad at y talentau a'r hyfforddiant angenrheidiol i dyfu ac arloesi. 
 
Gan gydnabod nad yw rhaglenni darparu sgiliau a chyllido traddodiadol bob amser yn diwallu anghenion lleol, bydd y gronfa yn cefnogi prosiectau cydweithredol sy'n profi dulliau newydd ac yn ymateb i fylchau a nodwyd yn y ddarpariaeth.  

 Cwestiynau Cyffredin:

• Pryd mae'r grant yn cau ar gyfer ceisiadau? 
  Caiff y grant ei ddyrannu ar sail y cyntaf i’r felin. Bydd y cyfnod ymgeisio ar agor o ddydd Llun, 2 Tachwedd am 12pm hanner dydd tan ddydd Llun, 9 Tachwedd am 12pm hanner dydd. Bydd penderfyniad yn cael ei wneud ynghylch a allwn ailagor, yn seiliedig ar y galw.
• Faint o arian cyfetabol sydd ei angen arnaf? 

  Mae angen i chi gael cyfanswm o 20% o gostau'ch prosiect fel arian cyfatebol: 
  Enghraifft 1: Cyfanswm costau'r prosiect yw £5,000 (80% £4,000/20% £1,000)

  Enghraifft 2: Cyfanswm costau'r prosiect yw £6,250 (80% £5,000/20% £1,250)

• Beth sy'n cael ei ystyried yn arian cyfatebol? Sut ydw i'n rhoi tystiolaeth o hyn?  
  Gallai arian cyfatebol fod o gyfrif banc cyfredol neu gynilion, benthyciad o'r banc, neu gerdyn credyd sy'n dangos terfyn sydd ar gael.  Gallai tystiolaeth fod yn gyfriflen cyfrif banc cyfredol neu gyfriflen cerdyn credyd gyda chronfeydd priodol wedi'u clirio.
• Faint o ddyfynbrisiau sydd angen i fi eu cael? 
  Bydd swm y dyfynbrisiau sydd eu hangen yn dibynnu ar gost eich eitem/gwasanaeth.  

  Cyfeiriwch at yr adran Caffael yn y nodiadau canllaw (tudalen 9-10)

• Pa mor fuan y byddaf yn clywed a yw fy nghais yn llwyddiannus? 
  Ein nod yw adolygu ceisiadau o fewn pythefnos i'w derbyn. Os ystyrir bod eich cais yn gymwys a'ch bod wedi darparu'r holl fanylion perthnasol bydd yn cael ei drosglwyddo i'n Panel i'w gymeradwyo. Os oes angen mwy o fanylion, bydd swyddog grant yn cysylltu â chi.
• Pryd y byddaf yn derbyn fy nhaliad grant? 
  Bydd y taliad grant yn cael ei dalu i'ch cyfrif a enwebwyd o fewn 28 diwrnod o i'ch hawliad gael ei gymeradwyo.