Newyddion   

Cynllun Grant Siopa’n Lleol (Y Barri)

Mae cynllun grant Siopa’n Lleol Cyngor Tref y Barri bellach yn derbyn ceisiadau gan siopau lleol ar gyfer digwyddiadau a gweithgareddau sy'n cael eu cynnal cyn 31 Mawrth 2026.  Os ydych chi eisiau annog pobl i siopa'n lleol ac yn ystyried trefnu digwyddiad, cysylltwch â Chyngor Tref y Barri i gael rhagor o wybodaeth a gweld os ydych yn gymwys.   Y dyddiad cau ar gyfer derbyn ceisiadau yw 12 Medi 2025.   

Beth am hyrwyddo eich swyddi gwag yn y Ffair Dysgu a Chyflogadwyedd

Mae cyflogwyr lleol yn cael eu gwahodd i hyrwyddo eu swyddi gwag yn y Ffair Dysgu a Chyflogadwyedd. Mae'r digwyddiad yn cael ei gynnal ar 17 Medi yn ystod Wythnos Addysg Oedolion yn Llyfrgell y Barri. Cyfle gwych i gwrdd â darpar ymgeiswyr.

• Hyrwyddo'ch swyddi gwag
• Cwrdd a darpar ymgeiswyr wyneb yn wyneb
• Cysylltu a gwasanaethau hyfforddi a chyflogadwyedd lleol
• Cefnogi eich cymuned a thyfu eich gweithlu

Y Rhaglen Sgiliau Hyblyg

Mae'r Rhaglen Sgiliau Hyblyg yn fenter a ariennir gan Lywodraeth Cymru sy'n helpu busnesau ledled Cymru i feithrin gweithlu cryfach a mwy medrus. Gall cyflogwyr wneud cais am gyllid i dalu hyd at 50% o'r costau hyfforddi achrededig, a gall bob cais ofyn am hyd at £50,000. P'un a ydych chi'n bwriadu llenwi bylchau sgiliau, cadw staff, neu ddenu talent newydd, gall y Rhaglen Sgiliau Hyblyg eich helpu i fuddsoddi yn nyfodol eich tîm.

Trefi Smart Cymru

Mae Medi Parry-Williams, arbenigwr adfywio Canol Trefi / Canolfannau Siopa sydd â 15+ mlynedd o brofiad wedi ymuno â thîm Trefi Smart i gynnig cyngor a chymorth AM DDIM yn arbennig i fusnesau'r stryd fawr.

Mae Medi yn cynnig ei harbenigedd pwrpasol ar ffurf galwad ar-lein 1:1, gweithdy grŵp neu ymweliad â'ch busnes AM DDIM i'ch helpu i ddarganfod sut y gall data gefnogi eich busnes a gwneud penderfyniadau mwy effeithiol ac arbed amser/costau staffio a stocio.

Innovation Net Zero 

Mae Innovation Net Zero yn cefnogi busnesau mwyaf arloesol Cymru i ddatblygu a masnacheiddio atebion sero net newydd ac economi gylchol. Mae'r rhaglen yn cynnig cymorth wedi'i ariannu'n llawn gwerth hyd at £5,000 a £10,000 yn dibynnu ar yr awdurdod lleol. Bydd y busnesau sy'n cymryd rhan yn elwa ar arbenigedd yr arbenigwyr arloesi Innovation Strategy, BT rhyngwladol ac arbenigwyr cynaliadwyedd lleol Afallen. Mae’r gefnogaeth a gynigir gan y bartneriaeth yn cynnwys hyfforddiant busnes wedi’i deilwra, gweithdai, cyfleoedd rhwydweithio, mynediad i labordai arloesi BT, cymorth i godi arian a mwy.  Darganfod mwy:

Rhwydwaith Arloesi Twf Glân

Gall busnesau a sefydliadau trydydd sector sydd wedi’u lleoli ym Mro Morgannwg gael mynediad at gymorth wedi’i ariannu’n llawn sydd wedi’i gynllunio i’w helpu i ysgogi arloesedd a hybu cynaliadwyedd o fis Mai 2024, diolch i gyllid newydd a sicrhawyd gan Circular Economy Innovation Communities (CEIC).

Mae'r Rhaglen Twf Glân wedi'i hariannu'n llawn ar gyfer sefydliadau cymwys ac mae’n cynnig yr offer sydd eu hangen ar gyfranogwyr i ddatblygu eu dealltwriaeth o’r economi gylchol, a’u helpu i weithio tuag at nodau Sero Net, gwella lefelau gwasanaethau, lleihau costau gweithredu a chyflawni eu cyfrifoldebau o dan Ddeddf Llesiant Cenedlaethau'r Dyfodol (Cymru) 2015. 

Mae'r rhaglen hefyd yn helpu sefydliadau i hybu arloesedd, gan ddatblygu cynlluniau twf glân a allai fod yn gymwys ar gyfer cyllid arloesi Llywodraeth Cymru.

Mewn ymateb i'r galw cynyddol o du busnesau, mae’r cymhwystra ar gyfer mewnlifiad 2024 wedi'i ehangu i gynnwys cwmnïau'r sector preifat am y tro cyntaf. 

Datganiadau o Ddiddordeb a Ffurflen Gais