Newyddion Diweddaraf
Cronfa Cadernid Economaidd COVID-19 ar gyfer Cymorth Busnes
Bydd Cronfa Cadernid Economaidd COVID-19 ar gyfer cymorth busnes rhwng mis Mai 2021 a mis Mehefin 2021.
Mae Llywodraeth Cymru yn sicrhau bod pecyn pellach o gymorth busnes ar gael drwy'r Gronfa Cadernid Economaidd (ERF). Bydd y Gronfa yn darparu cymorth ar ffurf grantiau arian parod i fusnesau, mentrau cymdeithasol ac elusennau a busnesau cadwyn gyflenwi cysylltiedig sydd naill ai wedi profi / a fydd yn parhau i gael effaith negyddol sylweddol oherwydd cyfyngiadau parhaus Covid-19.
Bydd y grantiau'n helpu i dalu costau gweithredu (ac eithrio cyflogau staff) ar gyfer y cyfnod rhwng 1 Mai 2021 a 30 Mehefin 2021.
Yn benodol, bydd y Gronfa yn cefnogi busnesau sydd naill ai:
a) Wedi gorfod aros ar gau oherwydd y cyfyngiadau parhaus rhwng 1 Mai 2021 a 30 Mehefin 2021
b) Wedi methu agor dan do rhwng 1 Mai 2021 ac 17 Mai 2021
c) Yn lleoliad sy'n darparu'n unswydd ar gyfer priodasau a digwyddiadau sydd â chyfyngiad rheoleiddiol o 30 o westeion (ond sy'n gallu dal llawer mwy dan amgylchiadau arferol)
d) Yn fusnes cadwyn gyflenwi sy'n cynhyrchu 60% neu fwy o'i refeniw gwerthu gan fusnesau sy'n perthyn i gategorïau a), b) a/neu c)
Gweinyddir y Gronfa mewn dwy ran:
- bydd cymorth i fusnesau â throsiant yn fwy na £85,000 yn cael ei ddarparu'n uniongyrchol gan Lywodraeth Cymru - mae’r dyddiad cau i gyflwyno cais ar gyfer y Gronfa Cadernid Economaidd wedi'i ymestyn a bydd yn cau am 5pm ar 14 Mehefin 2021.
- bydd cymorth i fusnesau â throsiant o lai na £85,000 yn cael ei weinyddu gan awdurdodau lleol - Yn agor ar 4 Mehefin am 12.00pm - cau ar 30 Mehefin am 5.00pm.
Ewch i: Cronfa Cadernid Economaidd i wirio a ydych chi’n gymwys ac ewch i’r tab Dechrau Arni.
Grant Gronfa Adferiad Diwylliannol
Grant Llawrydd - Cylch 2 - AR GAU
Cronfa Adnewyddu Cymunedol y DU
Mae'r Llywodraeth yn ceisio cais gan Fro Morgannwg ar gyfer ei Chronfa Adnewyddu Cymunedol. Cyhoeddodd y Llywodraeth fuddsoddiad o £220 miliwn yng Nghronfa Adnewyddu Cymunedol y DU (UKCRF) yn ei chyllideb ar 3 Mawrth 2021. Bydd y Gronfa yn cefnogi pobl a chymunedau sydd â'r angen mwyaf ledled y DU, gan greu cyfleoedd i dreialu dulliau newydd a syniadau arloesol ar lefel leol.
Am fwy o fanylion ewch i: Cronfa Adnewyddu Cymunedol y DU
Cynllun Cymhorthdal Incwm Hunangyflogaeth (CThEM)
Mae’r holl fanylion yma: Gov.UK Canllaw ar SEISS
Bydd pumed grant yn cwmpasu’r cyfnod rhwng mis Mai 2021 a mis Medi 2021.
Cynllun Cadw Swyddi yn sgil Coronafeirws
Mae’r Cynllun Cadw Swyddi yn sgil Coronafeirws wedi’i ymestyn tan 30 Medi 2021.
Dysgwch fwy am sut mae’r cynllun yn newid.
Cymorth Sy'n Gysylltiedig ag Ardrethi Annomestig ar gyfer Busnesau – 15 Mawrth 2021 - AR GAU
Yn dilyn cyhoeddiad y Prif Weinidog 12 Mawrth 2021, os gwnaethoch gofrestru eich manylion a derbyn grant yn gysylltiedig ag Ardrethi Annomestig ar gyfer y cynlluniau a gyflwynwyd ym mis Rhagfyr 2020 a gafodd eu hymestyn wedyn, nid oes angen i chi gymryd unrhyw gamau pellach – peidiwch ag ailymgeisio, byddwch yn derbyn taliad awtomatig erbyn 26 Mawrth 2021 erbyn 25 Mawrth 2021.
Ar hyn o bryd, mae’r grant hwn ar gau i ymgeiswyr newydd. Yn seiliedig ar geisiadau hyd yn hyn, mae’n bosib bod y gyllideb wedi’i dyrannu.
Os bydd rhagor o gyllid ar gael gan Lywodraeth Cymru, byddwn yn rhoi gwybod i chi drwy ein sianeli cyfathrebu.
Estyniad i’r Grant yn ôl Disgresiwn - AR GAU
Y diweddaraf am y newidiadau i Reoliadau Coronafeirws yng Nghymru.
- Cyngor Bro Morgannwg Diweddariadau Coronafeirws 2020
- Ardaloedd Masnachu ar gyfer Bwyd a Diod a Manwerthu Dros Dro
- Holl gyhoeddiadau diweddaraf Llywodraeth Cymru
Cronfa Sgiliau a Swyddi
Mae Llywodraeth Cymru yn addo cefnogi pawb i ddod o hyd i waith, addysg neu hyfforddiant neu helpu i ddechrau eu busnes eu hunain wrth iddi lansio cronfa sgiliau a swyddi gwerth £40m.
Bydd y pecyn gwerth £40m yn cynnig:
- dros £20 miliwn i gymell cyflogwyr i recriwtio a chadw 5,000 o brentisiaid, cynyddu gallu rhaglenni hyfforddi a chefnogi mwy o raddedigion i gael profiad gwaith, cyrsiau blasu gwaith a lleoliadau gwaith â thâl.
- bron i £9m i helpu gweithwyr i gael ail-hyfforddiant a dod o hyd i gyflogaeth newydd, gan gynnwys mewn meysydd lle mae galw am sgiliau, drwy ReACT a Chronfa Ddysgu'r Undebau. Mae hyn yn cynnwys ymestyn y rhaglen cyfrifon dysgu personol yn genedlaethol fel bod 2,000 o bobl ychwanegol yn gallu dysgu sgiliau newydd ac ennill cymwysterau newydd.
- mwy o gyllid ar gyfer rhaglenni hyfforddi, Cymru’n Gweithio a Chymunedau am Waith a Mwy i helpu i baru pobl â chyfleoedd am swyddi a hyrwyddo hunangyflogaeth a ffyrdd newydd o weithio, yn ogystal â chyllid i gefnogi hyfforddiant a arweinir gan gyflogwyr drwy'r rhaglen Sgiliau Hyblyg.
- cefnogaeth i Gronfa Rwystrau newydd, fydd yn cynnig hyd at £2,000 i gefnogi pobl nad ydynt o bosibl wedi ystyried hunangyflogaeth o'r blaen, yn enwedig menywod, pobl ifanc, pobl o gymunedau Du ac Asiaidd a lleiafrifoedd ethnig, a phobl anabl.
Cymorth Ariannol a Hyfforddiant
Grantiau Busnes
Ffigurau cyfredol ar gyfer Grantiau Busnes ym Mro Morgannwg. Yn unol â chanllawiau Llywodraeth Cymru, mae'r cynllun cymorth busnes ar gyfer eiddo ardrethol cymwys bellach wedi cau. Mae cyfanswm o 2,056 o daliadau grant gwerth £25,652,000 wedi cael eu gwneud.
Eiddo a Busnesau Canol Tref
Am gyngor a gwybodaeth ar weithio neu redeg siopau yn ystod pandemig covid-19, e-bostiwch:
Canllaw Coronafeirws i Fanwerthwyr
Cystadleuaeth Cychwyn Cyflym
Ar 20 Mai 2020 cyhoeddodd Llywodraeth y DU ei bod yn dyblu'r buddsoddiad yn y Gystadleuaeth Dechrau'n Gyflym gyda £20 miliwn ychwanegol. Bydd busnesau arloesol a busnesau newydd yn elwa ar fuddsoddiad o £40 miliwn gan Lywodraeth y DU i roi hwb i ddatblygiadau technolegol newydd. Ymhlith y projectau llwyddiannus i dderbyn yr arian hyd yma mae efelychydd hyfforddi llawfeddygol rhithwir a llwyfan marchnad ffermwyr ar-lein.
Hwb i fusnesau newydd arloesol
Cymorth i weithgynhyrchwyr bwyd a diod Cymru
Mae Arloesi Bwyd Cymru, gyda chefnogaeth Llywodraeth Cymru, wedi'i leoli mewn tair canolfan fwyd ledled Cymru. Gall y tîm o arbenigwyr diwydiannol gefnogi gweithgynhyrchwyr o bob maint i lywio eu ffordd drwy ystod o faterion technegol a masnachol cymhleth.
Pecyn Cymorth Arloesedd Bwyd
Cynllun Benthyciadau Adfer
Hwb mawr i BBaCh Cymru wrth i'r Cynllun Benthyciadau Adfer agor ar gyfer ceisiadau.
Cynllun benthyciadau Adfer