Gwastraff Hylendid

Cofrestrwch ar gyfer y treial casglu gwastraff hylendid amsugnol newydd yn y Barri

O 19 Hydref 2026 ymlaen, rydym yn cynnal treial yn y Barri i ddod o hyd i'r ffordd orau o gasglu ac ailgylchu cynhyrchion hylendid amsugnol, fel cewynnau, bagiau cewynnau a chadachau, yn ogystal â chynhyrchion anymataliaeth i oedolion.

Rydym yn gwahodd cartrefi yn y Barri i gymryd rhan yn y treial, cyn ceisio ehangu'r gwasanaeth i weddill y sir. Sylwer nad yw fflatiau wedi'u cynnwys yn y treial hwn.

Bydd ein partneriaid, Nappicycle, yn adennill ac ailgylchu elfennau o'r cynhyrchion hylendid amsugnol y mae preswylwyr yn cael eu rhoi allan fel rhan o'r treial ac yn eu defnyddio i wneud cynhyrchion newydd.

Pa eitemau ddylwn i'w rhoi yn fy magiau coch?

Rhowch yr eitemau canlynol yn eich bagiau ar gyfer gwastraff hylendid:

Clytiau, bagiau cewynnau a chadachau
Padiau anymataliaeth
Padiau gwely a chadeiriau
Padell gwely a leiniau tafladwy gwag
Bagiau colostomi a stoma gwag
Bagiau cathetr a photeli wrin gwag
Menig plastig a ffedogau tafladwy

Parhewch i roi'r eitemau canlynol yn eich bagiau du neu'ch bocs hylendid ar gyfer gwastraff na ellir ei ailgylchu:

Gwastraff glanweithiol, fel leininau panti, tamponau a thyweli misglwyf
Gwastraff clinigol, fel dresins neu rwymau wedi'u halogi â gwaed; nodwyddau, chwistrellau a chynhyrchion a gwrthrychau miniog eraill.

Os ydych yn byw yn y Barri ac mae rhywun yn eich cartref yn defnyddio cynhyrchion hylendid amsugnol, gallwch gofrestru nawr i dreialu ein gwasanaeth casgliadau AM DDIM newydd i dderbyn casgliadau wythnosol o ddydd Llun 16 Tachwedd.

Gall preswylwyr yn ardal y treial gofrestru ar gyfer y treial ar unrhyw adeg yn ystod y cyfnod prawf.

Os nad ydych wedi gallu cofrestru, wedi dewis peidio â chymryd rhan, neu os nad ydych yn gymwys ar gyfer y treial, parhewch i roi'r eitemau hyn yn eich bocsys hylendid neu fagiau du.

Cofrestrwch ar gyfer y treial

Cwestiynau Cyffredin

Beth ddylwn i ei wneud?

Ar ôl cofrestru ar gyfer y treial, byddwn yn dosbarthu rholyn o fagiau coch i'ch cartref o fewn pum diwrnod gwaith.
Llenwch eich bag coch gyda'r eitemau cymeradwy. O 16 Tachwedd ymlaen, rhowch eich bag(iau) coch wedi'u llenwi allan gyda gweddill eich ailgylchu wrth ymyl y ffordd ar eich diwrnod casglu ailgylchu arferol.
Gallwch roi eich bag(iau) wedi'u clymu wrth ymyl y ffordd ar ei ben ei hun, neu gallwch eu gosod y tu mewn i gadi hylendid.

Sylwer bod hwn yn wasanaeth casglu wythnosol ychwanegol am ddim yn ardal y llwybr yn unig. Mae gan drigolion yr opsiwn i barhau i ddefnyddio bagiau du a bocsys hylendid i gael gwared ar eich gwastraff hylendid bob tair wythnos.

Cwestiynau Cyffredin

Alla i gofrestru rhywun arall ar gyfer y treial?

Gallwch gofrestru aelod o'r teulu neu ffrind, cyhyd â'u bod yn byw yn y Barri a bod rhywun yn eu cartref yn defnyddio cynhyrchion hylendid amsugnol.

Wrth gofrestru, rhowch eu cyfeiriad os gwelwch yn dda.
Rydw i'n byw yn y Barri ac yn edrych ar ôl fy wyrion sydd yn defnyddio cewynnau. Alla i gofrestru am ar gyfer y treial?

Na, allwch chi ddim cofrestru ar gyfer y treial os ydych chi'n byw yn y Barri ond dim ond gofalu am eich wyrion sy'n defnyddio cewynnau. Mae'r treial ar gyfer cartrefi yn unig lle mae'r bobl sy'n byw yno yn defnyddio cewynnau neu gynhyrchion hylendid amsugnol eraill.

Os yw rhieni neu warcheidwaid eich wyrion yn byw yn y Barri, gallant gofrestru ar gyfer y treial. Byddai angen i chi roi'r cewynnau a ddefnyddir iddyn nhw er mwyn iddyn nhw allu eu rhoi yn eu bagiau treial eu hunain gartref.

Os nad yw rhieni neu warcheidwaid eich wyrion yn byw yn y Barri, dylech roi cewynnau a ddefnyddir yn eich bocsys hylendid neu fagiau du.
Dwi'n byw yn y Barri ac yn warchodwr plant cofrestredig / perchennog meithrin. Alla i gofrestru am ar gyfer y treial?

Na, rhaid i fusnesau drefnu casgliad gwastraff masnachol ar wahân ar gyfer eu cynhyrchion hylendid amsugnol a ddefnyddir.
Rwy'n derbyn casgliad gwastraff cymorthedig ar hyn o bryd. A fydd hyn yn parhau os ydw i'n cofrestru ar gyfer y treial?

Bydd, os ydych eisoes yn derbyn 'casgliadau gwastraff â chymorth', bydd hyn yn parhau. Byddwn yn casglu'ch bagiau wedi'u llenwi o'r un man casglu â'ch cynwysyddion ailgylchu eraill.
Os mae'n wyntog, sut alla i stopio fy magiau rhag chwythu i ffwrdd ar ddiwrnod casglu?

Os yn bosibl, lletemwch eich bagiau rhwng eich cynwysyddion ailgylchu eraill ar eich diwrnod casglu arferol.

Cofiwch hefyd glymu eich bagiau yn ddiogel gyda chwlwm dwbl i atal eu cynnwys rhag dianc.
Alla i gael mwy o fagiau?

Bydd cyfranogwyr y treial yn derbyn rholyn o 56 bag. Yn ddiweddarach yn y cyfnod prawf, bydd y cyfranogwyr yn cael cyfle i archebu mwy o fagiau.
Pam ydych chi'n treialu casgliadau newydd ar gyfer cynnyrch hylendid amsugnol?

Mae bron i 7% o'r hyn sy'n mynd mewn bagiau du ym Mro Morgannwg yn gynhyrchion hylendid amsugnol, fel cewynnau, bagiau cewynnau a chadachau, yn ogystal â chynhyrchion anymataliaeth i oedolion.Byddwn yn ailgylchu'r cynhyrchion hylendid amsugnol y mae trigolion yn eu rhoi allan fel rhan o'r treial ac yn eu defnyddio i wneud cynhyrchion newydd, fel byrddau ffibr a phaneli acwstig ar gyfer lloriau a waliau, ac fel deunydd peirianneg a ddefnyddir mewn arwynebau ffyrdd.

Bydd ailgylchu'r eitemau hyn yn hytrach na'u rhoi mewn bagiau du yn:

• Eich helpu i ailgylchu mwy o'ch gwastraff o'r cartref

•Creu mwy o le yn eich bagiau du ar gyfer eich gwastraff na ellir ei ailgylchu

• Cefnogi Cymru wrth gyrraedd ei thargedau lleihau carbon ac ailgylchu

• Cadw Cymru ymhlith y gwledydd ailgylchu gorau'r byd

Bydd y treial yn caniatáu inni ddeall sut y gellir cynnwys cynhyrchion hylendid amsugnol mewn casgliadau ailgylchu presennol.
Pam ydych chi'n dechrau'r gwasanaeth dim ond a nifer bach o gartrefi?

Rydym yn treialu'r gwasanaeth gyda hyd at 23,000 o gartrefi yn y Barri. Mae gan yr ardal wahanol fathau o gartrefi, a fydd yn ein helpu i ddeall sut mae'r gwasanaeth yn gweithio i wahanol drigolion.

Bydd y treial hwn yn ein helpu i ddarganfod a allwn ni redeg y gwasanaeth gan ddefnyddio ein cerbydau presennol. Bydd hefyd yn ein helpu i ddeall faint o gynhyrchion hylendid amsugnol y mae preswylwyr yn eu rhoi allan i'w casglu a'r gwahanol fathau o eitemau y mae angen i ni eu casglu.
Beth ddylwn i'w wneud os nad ydych yn casglu fy mag coch?

Os nad ydym yn casglu'ch sach goch, gallai fod oherwydd:

• Gall gynnwys yr eitemau anghywir
• Nid yw'r bag wedi'i glymu yn ddiogel
• Mae ganddo hylifau y tu mewn

Gwiriwch y rhestr uchod i sicrhau eich bod ond yn rhoi'r eitemau cywir yn eich sach.

Tynnwch unrhyw eitemau nad ydynt yn perthyn a gwnewch yn siŵr bod eich sach wedi'i glymu yn ddiogel gyda chwlwm dwbl.

Os oes unrhyw eitemau yn cynnwys hylifau, gwagwch a'u rinsiwch, yna rhowch eich sach allan eto ar eich diwrnod casglu nesaf.
A allaf gael help i ddidoli'r hyn y gallaf ac na allaf ei ailgylchu?

Mae gennym dîm o Swyddogion Ailgylchu a all roi cyngor ac arweiniad i chi am ein holl wasanaethau ailgylchu a gwastraff na ellir ei ailgylchu.

Gweler ein tudalen Cefnogaeth gyda Gwastraff ac Ailgylchu.

Os nad yw fy nghartref yn cymryd rhan yn y treial, beth alla i wneud gyda fy nghynnyrch hylendid amsugnol?

Os nad ydych wedi gallu cofrestru, wedi dewis peidio â chymryd rhan, neu os nad ydych yn gymwys ar gyfer y treial, parhewch i roi eich cynhyrchion hylendid amsugnol yn eich bocsys hylendid neu fagiau du.
Os mae'r treial yn llwyddiannus, a fyddech chi'n dechrau casglu cynnyrch hylendid amsugnol o bob cartref yn y Fro?

Er ein bod yn gobeithio bod y treial yn llwyddiannus ac yn dangos i ni'r ffordd orau o gasglu ac ailgylchu eich cynhyrchion hylendid amsugnol, ni fyddwn yn gallu cadarnhau pryd a sut rydym yn cyflwyno gwasanaeth casgliadau parhaus, parhaol ar gyfer yr eitemau hyn tan ar ôl i'r treial ddod i ben.

Byddwn yn gweithio gydag arbenigwyr i ddadansoddi mewnwelediadau'r treial ac ystyried yr argymhellion a'r camau nesaf i'w gwneud mor hawdd â phosibl i drigolion ailgylchu cymaint o'u gwastraff o'u cartref.

Ewch i'r dudalen we hon i gael y wybodaeth ddiweddaraf am y treial a beth i'w wneud gyda'ch cynhyrchion hylendid amsugnol.